Mülki silahın alınması maddəsinə DƏYİŞİKLİK EDİLDİ - Vilayət Eyvazovdan QƏRAR

Yol polisi / Manşet8-08-2020, 10:48 3 771 dəfə oxunub
Mülki silahın alınması maddəsinə DƏYİŞİKLİK EDİLDİ - Vilayət Eyvazovdan QƏRAR

“Azərbaycan Respublikasının daxili işlər orqanlarında icazə sisteminin təşkilinə dair Təlimat”da dəyişiklik edilib.

YPX.AZ xəbər verir ki, bununla bağlı Daxili İşlər naziri, general-polkovnik Vilayət Eyvazov qərar imzalayıb.

Qərara əsasən, sənədin 6-cı maddəsində dəyişiklik olunub.

Qeyd edək ki, Təlimatın 6-cı maddəsi mülki silahın əldə edilməsi ilə bağlı icazə sistemini müəyyənləşdirir.

Həmin sənədə əsasən, Azərbaycan Respublikasının 18 yaşına çatmış hər bir vətəndaşının mülki silah əldə etmək hüququ var.

Şəxs spirtli içkilərə, narkotik vasitələrə və ya psixotrop maddələrə aludədirsə, ruhi xəstəliyi, habelə görmə qabiliyyətinin pozulması ilə bağlı müvafiq səhiyyə orqanının tibbi rəyi olduqda onun mülki silah almaq hüququ yoxdur.

Bu barədə sənədin 6.45.2-ci yarımbəndində yazılıb.

Nazir Vilayət Eyvazovun qərarı ilə isə həmin yarımbənddə olan “səhiyyə orqanının tibbi rəyi” sözləri, “tibb müəssisəsinin rəyi” sözləri ilə əvəzlənib.

Qərar iyulun 31-dən qüvvəyə minib.

Sizin üçün tövsiyə olunan VİDEO: